| | |
| ملاحظه : تم إغلاق منتديات الوان نهائياُ وذالك إعتباراً من تاريخ 8/24 /1431هـ كما سيتم الحفاظ على حقوق ومشاركات الاعضاء حسب تواريخها في سجلات المنتدى الى حين انتهاء الفتره المحدده لدومين |
| |||||||
|
| | LinkBack | أدوات الموضوع | انواع عرض الموضوع |
| |
15-03-10, 03:32 AM
| #1 (permalink) | ||||||||
| "اسولف بك مع اشواقي"
 |  اعذروني ان عكرت صفو جوكم..ولكن الحياة هكذا...؟ بسم الله الرحمن الرحيم السلام عليكم ورحمة الله وبركاته اسال الله العظيم انكم ماتنحطو في الموقف الي انا انحطيت فيه ويحفظ لكم من تحبون امين يارب هذه القصه حصلت لي انا شخصيا قبل اربعة اشهرتقريبا كان يوم عادي مثل بقية الايام الخوالي اتصل علي اخوي الكبير وقالي تعال نتعشى سوى الليله لان اختي الكبيره كانت ضيفه عنده المهم رحت له قبل المغرب وقابلت الجميع وسوالف وضحك ومن هالامور صلينا المغرب رجعنا نتقهوى اتصل علي واحد من اعز اخوياي الي اعرفهم رديت عليه قلت هلا وعلى طول قالي " احسن الله عزاك في خويك سعد توفى " طبعا انا ما صدقت زعلت عليه قلت ليه تتفاول على خوينا بالشر قال انا بلغتك .. طبعا انا كذبته وقفلت الخط بوجهه ورجعت دقيت على جوال سعد الجوال يدق مااحد يرد مره مرتين ثلاث مااحد يرد ساعتها تغير لوني وخفت رجعت اتصلت علي خويي واكد لي الخبر وبرضو ما صدقته وقفلت الخط ورجعت اتصلت على اخوه وقالي نفس الشي ( الله ياهو موقف صعب) الله كيف اني قمت من المجلس وانا اهذري سعد مات لا سعد مايموت ودموعي تجري خرجت من البيت ورحت السياره ماني مصدق وفي هذيك اللحظه ما قدرت والله غير اني اصيح وابكي بكل صوتي ماقدرت اتمالك نفسي لحقني اخوي وقام يهديني وانا ابكي بمراره ماقدرت اوقف معقوله سعد الي كان عندي قبل كم يوم وكنت متصل فيه قبل هذيك الليله فجاه راح وبدون اي مقدمات معقوله يالله قديش هذي الدنيا حقيره وتافهه * نزل اخوي وقالي اذا ريحت الحقني انا جلست افكر كيف رح يكون حال ابوه وامه واخوانه كيف اوصل لهم الخبر اش اقول لهم شغلت سيارتي ومشيت والله ما كنت عارف وين اروح لقيت نفسي متجه على مطار الملك عبدالعزيز اقرب طياره على الرياض حجزت فيها انتظار بعدين تاكد الحجز طلعت الرياض نزلت المطار اجرت سياره وعلى طول رحت حي النسيم وصلت الشقه لقيت اخويانا متجمعين الي يبكي ولا حزين ولي حالته حاله قابلت خويي الي بلغني سالته اش السالفه واش الي صار للحين انا ماني مصدق قالي الرجال كان رايح دوامه الصبح وصار عليه حادث وتوفى وما احد درى عنه الا العصر لما تاخر علينا رحنا ندوره لقينا سيارته مصدومه ورحنا المستشفى وبلغونا ما صدقنا الا لما شفناه وتاكدنا انه هو "لاحول ولا قوة الا بالله" الحين كيف ابلغ اهله اتصلت على اخوه وكان بالقصيم واسمه محمد "الو سلام عليكم كيفك يامحمد ماقدرت امسك نفسي وبكيت شال خويي الجوال وبلغه.. اخوه ماستوعب الخبرعلى طول بس ماطول عرف الحقيقه تاكد من الخبر وتقبله وهو بلغ بقية اهله من الفجر اهله وصلو مطار الرياض استقبلتهم سبحان الله انا ابكي وهم صابرين ويهدوني اخذتهم ووصلت امه واخواته بيت خالي ورجعت انا وابوه واخوانه ورحنا المستشفى استلمنا الجثه ماني مصدق ان هذي اخر مره اشوفك فيها يا"سعد "ابوه واخوانه كانو صابرين صبر عجيب لله درهم اما انا فلا تسالون عني.. غسلناه وكفناه وصلينا عليه صلاة الميت بمسجد الراجحي بعد صلاة الجمعه ودفنا بمقبرة النسيم بعد ما مشو الناس جلست على قبره افكر ليه راح وتركني كم بنينا من احلام انا وياه كم رحنا وكم جينا ما عمري صادقت احد بوفائه وصدقه وحبه الكبير خسارتي كانت اشبه بالي فقد روحه.. ولكن المفرح في هذا الموقف انو كان الحمد لله صائم وكان النور واضح بوجهه والابتسامه مافارقته.... ومن هذاك اليوم الى هذي الساعه صرت ما عاد اقدر انام الا لما افكر فيه صرت بكل صلاه ادعي له ما قدرت انساه ولا يمكن اني اقدر انساه كان غالي مثل غلاة الروح رحمك الله يا ""سعد بن احمد الغامدي"" رحمك الله رحمة واسعه وغفر لك .............. اللهم اجمعني به واياكم بجنات النعيم اللهم اغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم وسع عليه قبره وجعله روضة من رياض الجنه اللهم امين...................... احبائي لا تبخلو عليه بالدعاء فانه بامس الحاجة له وجزاكم الله الف خير اسف اني ضايقتكم معاي ولكن ربما اكون ازحت عن صدري هم كبير لما كتبت القصه بالمنتدى وخففت من الضغط الي بداخلي ... اقبلو اعتذاري .... | ||||||||
| التعديل الأخير تم بواسطة افوكادو999 ; 15-03-10 الساعة 03:35 AM | |||||||||
 |
|
15-03-10, 03:53 AM
| #2 (permalink) |
| .  | والله اني اقرا ودموعي على خدي  انت فقدت واحد انا فقدت لي وحده من 6 سنوات والثانيه لسى ماكملت شهر ونفسك ادق مقفل ولايومك ادق على جوالها ولامسحت ايميلاتها ولاشي يخصها حاسه بشعورك وكل الهذيان الي صار لك مريت فيه الله يرحمهم يارب ويوسع قبورهم ونقابلهم بالجنه يارب  مالنا الا الدعاء والصدقه لهم والله لا يحط الكل بالمواقف هاذي  |
| التعديل الأخير تم بواسطة β͠єяƦч ; 15-03-10 الساعة 03:53 AM | |
| |
|
15-03-10, 04:11 AM
| #3 (permalink) | |||||||||
| ـأإآلعشقّ آلملآئَكيِ
| . . هـآذيَ آلدنيـآَ صغيرهَ بلحظهَ آلوآحدَ يفقدَ عمرهَ آللهَ يسكنهَ فسسيحَ جنآتهَ يآربَ ويجعلَ قبرهَ روضةَ من ريآضَ آهـلَ آلجنهَ .. وآنتيَ يآونترَ رآح تتعبيَ آذآ ضليتيَ ع حآلكَ ذآ وربيَ مآلكَم آلآ آلدعـآء وآلصدقهَ | |||||||||
| |
|
23-03-10, 07:59 PM
| #7 (permalink) | |||||||
| بـ تُفرج !
| وعليكم السلام ورحمة الله وبركاته , من جد موقف رهيب ومؤلم اليوم نتكلم مع شخص , بكرة نلقاه عطانا عمره الدنيا ما تستاهل حد يزعل من احد ويشيل ف خاطره لكن! من يسمع ؟ الله المستعان وربي يصبرك وويرحمه إن شاء الله | |||||||
| |
|
23-03-10, 09:29 PM
| #8 (permalink) | ||||||||
| .
| الموت حق وكلنا ميتين : ( الله يرحمه ويغفر له ذنوبه ويسكنه الجنه يا ربّ والله يا صبرك ويصبر كِل من فقد له غالي ’ وبإذن الله لقاكُم بالجنه يا ربّ | ||||||||
| |
|
24-03-10, 02:52 PM
| #9 (permalink) | ||||||||
| ησ Gяєατєя ισvє
| انآ للُه وأنُآ اليًه راجعُونً الُلهُ يرحمهُ يآآآرب  | ||||||||
| التعديل الأخير تم بواسطة توتا..! ; 24-03-10 الساعة 02:53 PM | |||||||||
| |
|
25-03-10, 12:54 AM
| #10 (permalink) | |||||||
| أنا " الله يسلمني ’
| يَ الله ، وش لَه تقلبون المُواجِع ،يارب إرحم أمواتنا وأغفر لهُم | |||||||
| التعديل الأخير تم بواسطة إنكسآره ; 25-03-10 الساعة 12:54 AM | ||||||||
| |
|
| مواقع النشر (المفضلة) |
| الكلمات الدلالية (Tags) |
| جوكم..ولكن |
| أدوات الموضوع | |
| انواع عرض الموضوع | |
|
|
| جميع الآراء و
المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر إدارة الموقع |
العرض المتطور
